बैतडीका तीन पालिकामा खोरेत रोग फैलियो, पशुहरुलाई भ्याक्सिन लगाइदै

प्रदेश समाचार

Home
प्रदेश समाचार
बैतडीका तीन पालिकामा खोरेत रोग फैलियो, पशुहरुलाई भ्याक्सिन लगाइदै

बैतडीका तीन पालिकामा खोरेत रोग फैलियो, पशुहरुलाई भ्याक्सिन लगाइदै

भेटेनरी अस्पतालका पशु प्राविधिक पशुहरुमा खोरेत बिरुद्धको खोप लगाउदैः तस्बिर भेटेनरी अस्पताल तथा पशुसेवा बिज्ञ केन्द्र पाटन

बैतडी,
बैतडीका ३ स्थानीय तहमा खोरेत रोग फैलिएको छ । एक महिना पहिले पाटन नगरपालिका ५ मा फेला परेको खोरेत रोग अहिले मेलौली नगरपालिका र पञ्चेश्वर गाउँपालिकामा पनि खोरेत रोग देखिएको छ ।
मेलौली नगरपालिका २, पञ्चेश्वर गाउँपालिका ५ र पाटन नगरपालिका ५ मा खोरेत रोग फैलिएको पशु सेवा बिज्ञ केन्द्र पाटनका प्रमुख गुमानीदत्त पन्तले जानकारी दिए । खोरेत रोग फैलिएको ठाउँहरुमा रोग बिरुद्धको भ्याक्सिन पठाएर पशुहरुमा लगाउन सुरु गरिएको पनि उनले बताए । मेलौली र पञ्चेश्वरमा ५ सय भन्दा बढी पशुहरुलाई खोरेत बिरुद्धको खोप लगाउने कार्यक्रम रहेको उनले बताए ।
एक महिना पहिले पाटन नगरपालिका ५ का पशुहरुमा खोरेत रोग फेला परेको थियो । पाटन ६ मा मात्रै २ दर्जन पशुचौपाया मरेको पाटन नगरपालिकाका उपप्रमुख कमल बोहराले जानकारी दिए । उक्त वडामा अझैपनि रोग नियन्त्रणमा नआएको वडा अध्यक्ष फुनि सिंह बोहराले बताए ।
आहारा नखाने, र्याल चुहाईरहने, खुटटका खूरहरु फाट्ने, १०४ डिग्री भन्दा बढी ज्वरो आउने लगायतका लक्षणहरु देखिने गरेको पशु प्राबिधिकहरुले जनाएका छन् ।
खोरेत रोगका कारण पशुहरुमा महामारी नै फैलने भएकाले समयमै ध्यान दिनुपर्ने पशु चिकित्सकहरुले सुझाएका छन् । रोग लागीसकेपछि निको हुने सम्भावना कम हुने गरेकाले गोठहरु सफा राख्ने, सरसफाईमा बिशेष ध्यान दिन किसानहरुलाई सुझाव दिएका हुन् ।

प्रकाशित मिति: मंगलबार, जेठ ३१, २०७९ ०९:५२

प्रतिक्रिया दिनुहोस्