बैतडी
बैतडीको दशरथचन्द नगरपालिका नगर कार्यपालिकाको पहिलो बैठक आज सम्पन्न भएको छ । बैठकले नगर कार्यपालिकाका विषयगत समितीहरु गठन गरेको छ ।
नगरपालिकाका मेयर पुस्करराज जोशी (लख्खाभाई)को अध्यक्षतामा आज बसेको कार्यपालिका बैठकले बिषयगत समितीहरु गठन गर्नुका साथै जिल्ला सदरमुकामको खानेपानी व्यवस्थापनका बिषयमा निर्णय गरेको छ ।
नगर कार्यपालिकाका बिषयगत समिति अन्तरगत सुशासन तथा संस्थागत बिकास समिती संयोजकमा हरीदत्त बडु, आर्थिक विकास समिती संयोजकमा जयदत्त पन्त, सामाजिक विकास समिति संयोजकमा मोहन देव जोशी, पुर्वाधार विकास समिती संयोजकमा अजव पाण्डेय, वन वातारण तथा बिपद् व्यवस्थापन समिती संयोजकमा भानदेव भट्टलाई चयन गरिएको छ ।
कार्यपालिकाको पहिलो बैठकले जिल्ला सदरमुकामको खानेपानीलाई व्यवस्थीत गर्ने निर्णय गरेको छ । नगरपालिकाका वडा न. ४,५,६र८मा १२सय घरधुरीका लागि सञ्चालित बृहत खानेपानीलाई व्यवस्थीत गर्न सुतेगाड मुहानबाट आउने पानि व्यवस्थीत गरिने निर्णय भएको छ । उक्त खानेपानि व्यवस्थीत गर्न विस्तृत सर्भे डिजायन तयार गर्ने निर्णय गरिएको हो । यसअघि वडा न.४को वडा समिति बैठकले समेत खानेपानि समस्या समाधानको माग गरेको थियो ।
यसका साथै बैठकमा शव वाहन सञ्चालनका बिषयमा छलफल भएको छ । यसअघिनै नगरबासीलाई निशुल्क शव बाहन उपलब्ध गराउने कार्यको सुरुवात गरिसकेको नगरपालिकाले आफ्नै शव वाहन खरिद नगर्दा सम्म जिल्ला अस्पताल संग समन्वय गर्ने तथा नगरपालिकाको टिप्परको प्रयोग गर्ने जनाएको छ ।
नगरप्रमुख जोशीले नगर बस सञ्चालन, निशुल्क शव वाहन तथा एम्बुलेन्स सञ्चालन गर्ने प्रतिवद्धता यसअघि नै गरेका थिए ।
