ज्ञानेश्वर नमुना माविको स्वर्ण जयन्ती कार्यक्रमः विद्यालयले पु¥याएको योगदानको चर्चा

प्रदेश समाचार

Home
प्रदेश समाचार
ज्ञानेश्वर नमुना माविको स्वर्ण जयन्ती कार्यक्रमः विद्यालयले पु¥याएको योगदानको चर्चा

ज्ञानेश्वर नमुना माविको स्वर्ण जयन्ती कार्यक्रमः विद्यालयले पु¥याएको योगदानको चर्चा

बैतडी,
बैतडीको ज्ञानेश्वर नमुना माविको स्वर्ण जयन्ती सम्पन्न भएको छ । विद्यालय स्थापना भएको पचास वर्ष पुगेको अवसरमा शनिबार एक समारोहकाबीच स्वर्ण जयन्ती कार्यक्रम सम्पन्न भएको छ ।
विद्यालयको स्वर्ण जयन्तीको अवसरमा २५ गते देखिनै विभिन्न कार्यक्रमको आयोजना गरिन लागिएको थियो । आधारभूत तहदेखि माविस्तरीय विभिन्न कार्यक्रमको आयोजनागरी स्वर्ण जयन्ती मनाएको हो ।
विद्यालयस्तरीय सांस्कृतिक कार्यक्रम, एथ्लेटिक्सका कार्यक्रम, छात्रछात्रा भलिबल प्रतियोगिता लगायतका कार्यक्रमको आयोजनागरी स्वर्णजयन्ती मनाइएको विद्यालयका लेखापाल बसन्त बिष्टले जानकारी गराए । शनिबारकै कार्यक्रममा विजेता विद्यालयहरुलाई पुरस्कार प्रदान गरिएको थियो ।
स्वर्ण जयन्तीको अवसरमा आयोजना गरिएको कार्यक्रमका सहभागिहरुले शिक्षाको क्षेत्रमा विद्यालयले पु¥याएको योगदानको प्रशंसा गरेका थिए ।
पाटन नगरपालिकाका शिक्षा शाखाका प्रतिनिधी बिर्खराज भट्टले पाटन नगरपालिकाको उत्कृष्ट विद्यालय रहेको र यस विद्यालयले अवका दिनमा शैक्षिक गुणस्तरका लागि आकर्षकको केन्द्र बनाउनु पर्नेमा जोड दिए ।

वडा नं ८ का निवर्तमान वडा अध्यक्ष एवं सोही विद्यालयका पूतपूर्व शिक्षक पृथ्वी राज पन्तले ज्ञानेश्वर माविले यस क्षेत्रमा शैक्षिक क्षेत्रमा पुर्याएको योगदानको चर्चा गरे । भौतिक पूर्वाधारले सम्पन्न यस विद्यालयले शैक्षिक गुणस्तर सुधारमा थप ध्यान दिनेमा विस्वस्त रहेको अवगत गराए ।
वडा नं ३ का वडा अध्यक्ष करुणाकर भट्टले विद्यालयले गर्दै आएको प्रगतिारे प्रशंसा गरे ।
वडा नं ९ का अध्यक्ष कलु सिंह भाटले यस विद्यालयलाई यहाँसम्म पुर्याउनुमा अभिभावक लगायत सबैको महत्वपूर्ण योगदान रहेको बताए । विद्यालयको थप सुधारको लागि वडातह र स्थानीयतहबाट सहयोग रहिरहने बताए । विद्यालयको समस्या समाधानको लागि सबैले सहकार्य गर्नुपर्ने बताए । अभिभावकको उपस्थिती बढ्दो अवस्थामा रहेकोमा खुसी ब्यक्त गरे । पाटन नगरपालिकाको सूचकांकमा यस वडाका विधालयको प्रगती गरिरहेको पनि बताए । वडा कार्यालयबाट अभिभावक उपस्थिति बढाउनको लागि अभिभावक हाजिरी कार्यक्रमबाट पनि विद्यालयमा अभिभावकहरुको उपस्थिति बढ्दो रहेको उनको भनाइ छ ।

वडा नं ४ का वडा अध्यक्ष दिपक बिष्टले नमुना विद्यालय कार्यक्रमका लागि लगाएको लगानीको प्रतिफल प्राप्त भएको उनले बताए । पाटन नगरपालिकाले विद्यालय समायोजनभन्दा दरबन्दी मिलानको कार्य पहिले गर्नुपर्नेमा जोड दिए । आफु पनि विद्यालय मर्ज गर्ने विषयको कार्यदलमा रहेको बताउदै उनले अनुगमनका क्रममा देखिएका विषयहरुमाथि छलफलगरी आगामी निर्णयमा पुग्ने समेत बताए ।
सुर्नया गाउँपालिकाका उपाध्यक्ष मन्जु महरा बोहराले ज्ञानेश्वर नमुना मावि वास्तममै जिल्लाको नमुना मावि भएको बताइन् ।
नेकपा एमालेका जिल्ला कमिट उपाध्यक्ष लोकेन्द्र भण्डारीले विद्यालयले भौतिक तथा सामाजिकरुपमा पनि फड्को मार्र्दै आएको बताए । यस विद्यालयले सबै क्षेत्रबाट सहयोग पाइरहेको भनाइ थियो ।
पाटन नगरपालिकाले विद्यालय मर्ज गर्ने क्रममा भौतिक अवस्थालाई समेत ध्यानमा राख्न आग्रह गरे ।
जिल्ला समन्वय समितिका सदस्य प्रेम सिंह भाटले स्थानीय तहले शिक्षामा प्रयाप्त लगानी गर्नुपर्नेमा जोड दिए । विधालयको अपेक्षाको पहिचान गरि आवश्यक कार्य सन्चालन गर्नुपर्नेमा उनको जोड थियो ।
सार्वजनिक पद धारण गरेका शिक्षक तथा जनप्रतिनिधिहरुका छोराछोरी सामुदायिक विधालयमा छन कि छैनन भन्नेमा अनुगमन गर्ने समयमा आएको समेत बताए ।
सबै निकायबाट सहयोग जुटेको ज्ञानेश्वर नमुना मावि वास्तममै नमुना रहेको भन्द्र प्रशंसा गरे ।स्थानीय तहबाट पनि सहयोग जुट्ने प्रतिवद्धता जनाए ।
विद्यालय व्यवस्थापन समितिका अध्यक्ष एवं वडा नं ८ का वडा अध्यक्ष हरिश बिष्टले विधालयको शैक्षिक गुणस्तर सुधारको लागि सबै पक्षले निस्वार्थ भावनाले सहयोग गर्न आग्रह गरे ।
पाटन नगरपालिकामा विधालय समायोजन र दरबन्दी मिलान गर्नको लागि आव्श्यक कार्यविधी बन्ने र सबै पक्षबाट आएको सुझावको आधारमा अघि बढ्ने उनको भनाइ छ । सामाजिक विकास समिति संयोजक समेत रहेका बिष्टले पाटन नगरपालिकामा शिक्षाको लागि अमूल परिवर्तन गर्नको लागि सबै पक्षबाट सकारात्मक सुझाव सल्लाहको अपेक्षा गरे ।
विद्यालयका प्रद्यानाध्यापक पुष्पराज जोशीले विद्यालयको वार्षिका शैक्षिक, आर्थिक, भौतिक प्रगति प्रतिवेदन प्रस्तुत गरेका थिए ।
विव्यस अध्यक्ष बिष्टको सभाध्यक्षतामा आयोजना गरिएको स्वर्ण जयन्ती कार्यक्रमका प्रमुख अतिथि नगर प्रमुख गौरी सिंह रावल रहनु भएको थियो ।