बैतडीमा कांग्रेसको सयदिने अभियानः दनपामा सम्पन्न, भोलीदेखि सुर्नयामा सुरु हुने

प्रदेश समाचार

Home
प्रदेश समाचार
बैतडीमा कांग्रेसको सयदिने अभियानः दनपामा सम्पन्न, भोलीदेखि सुर्नयामा सुरु हुने

बैतडीमा कांग्रेसको सयदिने अभियानः दनपामा सम्पन्न, भोलीदेखि सुर्नयामा सुरु हुने

बैतडी,
नेपाली कांग्रेस बैतडीको सय दिने अभियान जारी रहेको छ । जिल्लाको दशरथचन्द नगरपालिकाका विभिन्न वडाहरुमा यो अभियान सम्पन्न भएकोमा शनिबारदेखि सुर्नया गाउँपालिकामा कार्यक्रम सञ्चालन गरिने छ ।
कांग्रेस बैतडीका सहसचिव दिपेन्द्र चन्दका अनुसार भोलीदेखि सुर्नया गाउँपालिकामा अभियान सुभारम्भ हुन लागेको हो ।
शनिबार सुर्नया गाउँपालिका वडा नं १,२, ३ र ४ को सयुक्त कार्यक्रम वडा नं ३ स्थित देउरुखमा सय दिने अभियानका जिल्ला प्रतिनिधि एवं केन्द्रिय सदस्य आङ्गेलु शेर्पाको प्रमुख आतिथ्यतामा सय दिने अभियानको कार्यक्रम सञ्चालन हुने सहसचिव चन्दले बताए ।
१ असोजबाट सुरु भएको सांगठनिक विशेष अभियान जिल्लामा पनि सञ्चालनको क्रममा रहेको कांग्रेस बैतडीका कार्यबाहक सभापति बिर बहादुर बिष्टले जानकारी दिए ।
पार्टीका आन्तरिक क्रियाशील सदस्यस्यताका विषयमा काम हुने छन् भने कांग्रेसबाट निर्वाचित जनप्रतिनिधि र पार्टीबीचको समन्वय बढाउनको लागि कार्यक्रमहरु सञ्चालन हुनेछन् । यसैगरी समसामयिक राजनितिक एजेण्डाहरुमाथि पनि पालिका र जिल्लास्तरमा वृहत छलफल हुने कार्यबाहक सभापति बिष्टले बताए ।

प्रकाशित मिति: शुक्रबार, मंसिर १४, २०८१ १९:१०

प्रतिक्रिया दिनुहोस्