बैतडीको खोड्पेमा देउडा कार्यक्रम सुरु भएको छ । सुदूरपश्चिमेलीहरुको महान पर्व गौराको अवसरमा आइतबारदेखी महिला पुरुष देउडा कार्यक्रम सुरु भएको हो । प्रतियोगिता तीनदिन सम्म सञ्चालन हुनेछ ।
खोड्पे बजार व्यवस्थापन समितिको आयोजना तथा पाटन नगरपालिका ८ को को विशेष सहयोगको देउडा कार्याक्रमको आयोजना गरिएको बजार व्यवस्थापन समितिका बरिष्ठ उपाध्यक्ष मोहन सिंह बिष्टले बताए । स्थानीय कला संस्कृतिको संरक्षणमा निजी क्षेत्रको योगदान पु¥याउनका लागि बजार व्यवस्थापन समितिले देउडा कार्यक्रमको आयोजना गरेको बिष्टले जानकारी दिए ।
सुदूरपश्चिमकै चर्चित देउडा गायक तथा सर्जक भानुभक्त जोशी जेआर भट्ट सहित २४ जना देउडीया कलाकारहरु महिला पुरुष देउडा कार्यक्रममा सहभागी भएका छन् । यस वर्ष सबै देउडीया कलाकारहरुलाई पुरस्कारको व्यवस्था मिलाइएको छ । आयोजकले यो बर्ष बाहिर बाट आउने देउडीया कलाकारहरुका लागि गाडी भाडा, खाना र बस्नको व्यवस्था मिलाइएको छ ।
पाटन नगरपालिका ८ का वडाअध्यक्ष हरिष बिष्टले विभिन्न चाडपर्वको अवसरमा हुने यसप्रकारका कार्यक्रमहरुले देउडाको जर्गेना गर्न महत्वपुर्ण भूमीका खेल्ने बताए । महिला पुरुष देउडा कार्यक्रमलाई आगामी बर्षमा थप व्यवस्थीत गरिदै लैजाने समेत वडाअध्यक्ष बिष्टले जानकारी दिए ।
अहिले खोड्पेसंगैं देउडा प्रतियोगिता जोडिएर आउने भएकाले पालिकाले प्रतियोगिता सञ्चालन गर्न आवश्यक सहयोग गर्ने नगर उपप्रमुख कमल सिंह बोहराले बताए । प्रतिायोेगिता सञ्चालनका लागि ठाउँको अभाव रहेकाले पालिका त्यसको लागि आवश्यक सहयोग गर्न तयार रहेको समेत जानकारी दिए ।
खोड्पे बजार व्यवस्थापन समितिका अध्यक्ष राम सिंह बिष्टको सभाध्यक्षतामा सुरु भएको कार्यक्रममा प्रमुख अतिथी पाटन नगरपालिका नगरपालिकाका नगर उपप्रमुख कमल सिंह बोहरा (अपि) रहेका थिए । बिशिष्ट अतिथी वडा नम्बर ८ का वडाअध्यक्ष हरिष बिष्ट, नेकपा एमालेका पाटन नगर कमिटी अध्यक्ष धर्मराज भट्ट लगायत निवर्तमान जनप्रतिनिधीहरु लगायतका प्रतिनिधी रहेका थिए ।
