काठ्माडौँ
बैतडीको सिगास गाउँपालिकाको टोली पालिकामा महत्वपुर्ण योजनाहरुको मागगर्न काठ्माण्डौँ पुगेको छ । गाउँपालिका अध्यक्ष हरिसिंह धामीको नेतृत्वमा केहि जनप्रतिनिधि र प्रमुख प्रशासकीय अधिकृत रघुनाथ अवस्थी सहितको टोली काठ्माण्डौँ पुगेको छ ।
गाउँपालिकाको टोलीले संघीय सरकारका सबैजसो मन्त्रीहरुलाई भेटेर योजनाको माग गर्ने जनाएको छ । उक्त टोलीले बैतडीबाट निर्वाचित सांसद एंव सरकारका उद्योग, वाणिज्य तथा आपूर्ति मन्त्री दामोदर भण्डारीसंग भेट गरि ज्ञापनपत्र पेश गरेको छ ।
ज्ञापनपत्र मार्फत गाउँपालिकामा स्थाई प्रहरी चौकीको स्थापना, १५ सइयाको अस्पताल निर्माण गर्न बजेट विनियोजन, गाउँपालिकाको प्रशासकीय भवन निर्माण तथा पालिका स्तरिय खेल मैदान निर्माणका लागि बजेट विनियोजन गरिदिन आग्रह गरिएको छ ।
सिगास स्थीत गाजँरी–कुर्चेनेटा–गर्जे सडक र गाँजरी–धौलाडी–गर्जे–थलाकाडाँ सडकलाई गतिशिल बनाई काम अघि बढाइदिन गाउँपालिका अध्यक्ष धामीले अनुरोध गर्नुभयो । उहाँले गाउँपालिकाभित्र विद्युतिकरण गर्न र पर्यटन प्रवद्र्धनका लागि संघीय सरकारबाट बजेट छुट्याइदिन आग्रह गर्नुभयो । आफुहरु सबैजसो मन्त्रीहरुलाई भेटेर ज्ञापनपत्र पेश गर्ने तयारी गरेकोमा उक्त कार्यको नेतृत्व गरिदिन मन्त्री भण्डारीलाई आग्रह गर्नुभयो ।
जवाफमा उद्योग, वाणिज्य तथा आपूर्ति मन्त्री दामोदर भण्डारीले सबै मन्त्रालयका सचिवहरुसंग छलफल गरि सिगासको विकास निर्माणका लागि पहल गर्ने प्रतिवद्धता व्यक्त गर्नुभयो । उहाँले गाउँपालिकाका महत्वपुर्ण योजनाहरु संघीय सरकारका तर्फबाट सम्पन्न गर्न तत्प रहेको बताउनुभयो । जिल्लाकै दुर्गम पालिका सिगास भएकाले त्यहाँ सडक, विद्युत लगायत प्रमुख समस्या समाधान गर्न गाउँपालिकाको साथमा रहेको बताउनुभयो ।
गाउँपालिकाको टोलीले भोली अन्य मन्त्रालयमा भेटघाट गर्ने कार्यक्रम रहेको छ ।
