बैतडी,
बैतडीको दशरथचन्द नगरपालिकाले दोस्रो पटक स्थापना दिवस मनाएको छ । नगरपालिका स्थापनाको २८बर्षमा प्रवेश गरेको अवसरमा स्थापना दिवस मनाइएको हो । नगरपालिकाले गतबर्ष पहिलो पटक स्थापना दिवस मनाएको थियो ।
दिवसको सम्बोधन गर्दै नगरप्रमुख पुस्कर राज जोशी लख्खाभाईले आफुहरुले शिक्षा क्षेत्रलाई बढी प्राथमिकतामा राखेर काम गर्दै आएको बताए । उनले शिक्षा क्षेत्रमा भएका समस्याहरु समाधान गरि शैक्षिक गुणस्तर सुधारका योजना कार्यान्वयन गरिरेहको दावी गरे । उनले विगतमा अध्यापन गराइने संस्कृत बिषय सुचारु ग्र्ने बताए । यसका साथै विद्यार्थीहरुलाई कला संस्कृतिको ज्ञान दिन कक्षा सञ्चालन गरिएको बताए । वडा न.४ साहिलेक स्थीत विरेन्द्र माविमा संगीत कक्षा सञ्चालन भैरहेको उनले बताए ।
नगर प्रमुख जोशीले विभिन्न ठाउँमा खेलकुद मैदान निर्माण गरि खेलाडी उत्पादनमा जोड दिएको बताए । “बालबालिकाहरु कतै सडकमा, कतै घरको छतमा खेल्नुपर्ने बाध्यता छ हामी यो बाध्यताको अन्त्य गर्छौँ, राष्ट्रिय तथा अन्तराष्ट्रिय स्तरका खेलाडी उत्पादन गर्ने योजना छ ।” उनले भने,।
नगर प्रमुख जोशीले दशरथचन्द नगरपालिकाले शिक्षा र स्वास्थ्य क्षेत्रलाई पहिलो प्राथमिकतामा राखेको बताए । उनले नगरपालिका भित्र एम्बुलेन्स र शव वाहन निशुल्क गरेको बताए ।
दिवस मुल समारोहका प्रमुख अतिथी समेत रहेका प्रमुख जिल्ला अधिकारी भिमकान्त शर्माले नगरपालिकालाई आर्थिक, भौतिक, सर्वांगीण विकास तथा उत्तरोत्ततर प्रगतीको शुभाकामना व्यक्त गरे । उनले नगरपालिकामा शुसासन कायम गर्ने सवालमा आफ्नो तर्फबाट पुर्ण सहयोग रहने बताए । नगरपालिकामा सुशासन कायम गर्ने आधारमा काम गर्न सम्पुर्ण कर्मचारीहरुलाई निर्देशन दिए । कार्यक्रममा उपस्थीत व्यक्तिहरुले नगरपालिकाको उत्तरोत्तर प्रगतीका लागि शुभकामना व्यक्त गरेका छन् ।
नगरपालिकाले ४दिन सम्म विभिन्न कार्यक्रम गरि दिवस मनाएको प्रमुख प्रशासकीय अधिकृत जगदीश प्रसाद जोशीले बताए । दिवसको अवसरमा वक्तित्वकला, सरसफाई तथा फलफुल वितरणका कार्यक्रम गरिएका थिए भने शनिबार सांस्कृतिक कार्यक्रम सहित दिवस मनाइएको हो ।
