बैतडी,
रेडियो सेभेनस्टारका समाचार साखा प्रमुख तथा स्टार बुलेटिनका सह–सम्पादक ‘कृष्ण बिष्ट’ लाई पितृ सोक परेको छ । पाटन नगरपालिका १० पनाली बस्ने कृष्णका बुवा मान बहादुरको गयराती ट्याक्टर दुर्घटनामा परि निधन भएको छ । दुर्घटनाको समाचार संकलनका लागि गएका कृष्ण आफ्नै बुवाको शव देखेपछि भावविह्वल हुनुभएको थियो । मानबहादुरको निधन प्रति श्रद्धान्जली व्यक्त गर्दै नेपाल पत्रकार महासंघ बैतडी, प्रेश चौतारी जिल्ला शाखा बैतडी र प्रेस चौतारी प्रदेश कमिटीले सोक विज्ञप्ती जारी गरेका छन् । सोक विज्ञप्तीमा मृतक प्रति श्रद्धान्जली व्यक्त गर्दै सोकाकुल परिवारजनमा समवेदना प्रकट गरिएको छ ।
यस्तो छ हृदयविदारक घटना – सुक्रबार बिहानै ८ बजे रेडियोमा समाचार पढेर सबैलाई ट्याक्टर दुर्घटनाको खबर सुनाए । खबरमा मृतक २जनाको परिचय खुल्न बाँकी भनिएको थियो ।
त्यसपछी रेडियोका स्टेशन म्यानेजर सीपी लोहियासंग सल्लाह गरि ‘कृष्ण’ बाइक लिएर ५किलोमिटरमै रहेको घटनास्थल झौलेक पुग्छन् । उनले घटनास्थलको फोटो र भिडियो खिचेर आफु कार्यरत रेडियो सेभेनस्टार, अन्नपुर्ण पोष्ट, एपिवान टेलिभिजन लगायत मिडियाहरुमा पठाए । तबसम्म उनले सबैलाई ट्याक्टर चालक कञ्चनपूरका राजेश चौधरीको मृत्यु भएको र अर्का व्यक्तिको परिचय खुल्न बाँकी छ भनिरहेका थिए ।
जब परिचय खुल्न बाँकी भनिएका व्यक्तिको बारेमा थाहा पाए । उनि छाङ्गाबाट खसेजस्तै भए । ति मृतक व्यक्ति अरु कोहि नभएर पत्रकार कृष्णकै बुवा ५२बर्षीय मान बहादुर बिष्ट थिए । बुवाको मृत्यु भएको थाहा पाएपछि मुर्छा परेका कृष्ण होसमा आउदाँ डाँको छाडेर रुन थाले । दुर्घटना स्थलमा एकमात्रै पत्रकार कृष्ण रहेकाले अरु पत्रकारहरु घटनाको थप जानकारीका लागि उनैलाई फोन गरिरहेका थिए । तर उनि भावविह्वल अवस्थामा थिए ।
कृष्णलाई आफ्ना बुवा सो क्षेत्रमा गएको बिषयमा खबर थिएन् । कृष्णका दाई सुरेश पनि ठेक्काको काम गर्ने भएकाले उनि पञ्चेश्वरमा थिए भने कान्छा भाई पढाईको क्रममा काठ्माण्डौँमा थिए
। पाटन–१० स्थीत घरमा रहेका कृष्ण पत्रकारिता गर्छन् ।
मृतक मान बहादुर काठको ठेकापट्टा गर्दछन् । उनको सुर्नया गाउँपालिका क्षेत्रमा काम चलेको थियो । उता काठ पुगाएर आएको ट्याक्टरलाई मान बहादुर मोतिनगरमा पर्खिरहेका थिए । ट्याक्टर पर्खेका मान बहादुरलाई केहि व्यक्तिले अर्को गाडीमा जान समेत भने तर उनि ट्याक्टर लाई नै पर्खिरहे ।
अन्ततः राती १० बजेपछि ट्याक्टर आयो र उनि त्यसैमा बसे । ट्याक्टर जब झौलेकमा पुग्यो अकल्पनीय दुःखद घटना हुन पुग्यो । अहिले दुर्घटनामा मृत्यु भएका व्यक्तिहरु प्रति सबैले श्रद्धान्जली व्यक्त गरिरहेका छन् । नेपाल पत्रकार महासंघ जिल्ला शाखा बैतडी र प्रेश चौतारी नेपाल जिल्ला शाखा बैतडीले सोक विज्ञप्ती जारी गरेकाछन् । दुर्घटनामा मान बहादुर सहित ट्याक्टरका चालक कञ्चनपूरको सुक्लाफाँटा घर भएका २४ बर्षीय राजेश चौधरीको पनि मृत्यु भएको छ । दुर्घटनाको मुख्य कारण खुल्न सकेको छैन् । साघुरो सडकमा चालकले ट्याक्टर नियन्त्रण गर्न नसक्दा दुर्घटना भएको हुनसक्ने अनुमान गरिएको छ । सडकको माथीपट्टीको भाग घस्रिएको भएकाले कसै गाडी संग ठक्कर लागेको समेत हुनसक्ने घटनास्थल पुगेका व्यक्तिहरुको अनुमान छ । तर घटनाको अनुसन्धान जारी रहेको छ ।
से २ त ३६७८ नम्बरको ट्याक्टर बिहिबार राती जयपृथ्वी राजमार्ग अन्तरगत पाटन नगरपालिका–८ झौलेकमा दुर्घटना भएको हो ।
