बैतडीमा एमालेको जिल्ला अधिवेशन आजदेखि, सहमतीबाटै नेतृत्व चयन गर्ने पक्षमा भण्डारी

प्रदेश समाचार

Home
प्रदेश समाचार
बैतडीमा एमालेको जिल्ला अधिवेशन आजदेखि, सहमतीबाटै नेतृत्व चयन गर्ने पक्षमा भण्डारी

बैतडीमा एमालेको जिल्ला अधिवेशन आजदेखि, सहमतीबाटै नेतृत्व चयन गर्ने पक्षमा भण्डारी

बैतडी,
आजदेखि नेकपा एमाले बैतडीको अधिवेशन सुरु भएको छ । आगामी जिल्ला नेतृत्व चयनका लागि हुन गइरहेको अधिवेशनका लागि ६ सय ३१ प्रतिनिधि छनौट भएका छन् ।
१ सय २६ जना आयोजक, ४ सय ४७ पालिका प्रतिनिधि र ५८ जना जनवर्गीय संगठनबाट प्रतिनिधि चयन भएका नेकपा एमाले बैतडीले जनाएको छ ।
अधिवेशनकै लागि नेकपा एमालेका बरिष्ठ उपाध्यक्ष ईश्वर पोखरेल र एमालेका केन्द्रिय सदस्य एवं नेपाल सरकारका उद्योग, बाणिज्य तथा आपूर्ती मन्त्री दामोदर भण्डारी बैतडी पुगिसका छन् ।
आगामी नेतृत्वका चयनका लागि हुन गइरहेको अधिवेशनमा ५जनाले आकांक्ष देखाएका छन् । नरेश विक, लोकेन्द्र भण्डारी, नरेन्द्र बिष्ट, गोविन्द गिरी र हजारी साउँदले आकांक्षा देखाएका छन् ।
अध्यक्षमा आकांक्षा धेरैले जनाएपनि सहमतीबाटै नेतृत्वको टुंगो लगाउने पक्षमा शीर्ष नेतृत्व देखिएको छ । पार्टीका केन्द्रिय सदस्य एवं मन्त्री भण्डारीले आइतबार आययोजना गरेको पत्रकार सम्मेलनमा सबैलाई समेटेर सहमतीको आधारमा जिल्लाको नेतृत्वको टुंगो लगाउने बताएका छन् ।
‘विभिन्न जिम्मेवारीमा रहेका नेताहरुको सहमतीमा नेतृत्व चयनको प्रयास हुन्छ, पार्टीलाई गति दिन सक्ने नेतृत्प छान्न चाहान्छौँ, साँझा निष्कर्स निकाल्ले पक्षमा छौँ, सबैको भावना प्रतिनिधित्व हुनेगरी चयन हुन्छ,’ मन्त्री भण्डारीले भने ।

प्रकाशित मिति: सोमबार, फागुन २८, २०८० ०८:०७

प्रतिक्रिया दिनुहोस्