बैतडी।
स्थानियतहमा शुसासन कायम गर्ने उद्देश्यले गरिने मुल्यांकन ‘लिजा’मा डडेल्धुराको भागेश्वर गाउँपालिका जिल्लाभरीमा प्रथम तथा सुदूरपश्चिम प्रदेश भरीमा दोश्रो स्थानमा आएको छ ।
गाउँपालिकाबाट सम्पादनहुने हरेक कामहरु पारदर्शी भएको र गाउँपालिकाले कार्य सम्पादनमा सुशासन कायम गरेकाले मुल्यांकनमा अग्र स्थानमा आएको गाउँपालिकाका प्रमुख प्रशासकीय अधिकृत खगेन्द्र भारतीते बताए ।
उनले भने, ‘हामीले ५ओटै बिषयगत समितिहरुबाट सम्पादन गरिने कामहरुमा पुर्ण पारदर्शीता अपनाएका छौँ, आर्थिक अनियमीतता शुल्यमा झार्ने अभ्यास गरेका छौँ, नियमीत कामहरु पारदर्शी ढंगले गर्दै आएका छौँ, त्यसकारण हामी मुल्यांकनमा समेत अग्र स्थानमा आउदाँ खुसि लागेको छ ।’ पालिका गतबर्ष समेत अग्र स्थानमै आएको थियो ।
गाउँपालिकामा २ बर्षअघि प्रमुख प्रशासकीय अधिकृतको रुपमा भारती आएसंगै उनले सुशासन कायम गर्न अधिक्तम प्रयास गरिरहेकाछन् । उनले गाउँपालिकामा हाजिर भएकै दिन गाउँपालिमा अध्यक्ष हेमराज चटौतसंग पालिकामा शुल्य भ्रष्टाचार र पुर्ण सुशासन कायम गर्न करार सम्झौता गरेका थिए ।
उनले गाउँपालिका अध्यक्ष चटौतसंग नियमीत कार्य सम्पादनका क्रममा नियम विपरीत कामगर्ने बिषयमा अनावश्यक दवाद नदिन तथा अनियमीतता न्यूनिकरणमा पुर्ण साथदिन आग्रह गर्दै सपथ खाएका थिए । प्रमुख प्रशासकीय अधिकृत भारती भागेश्वर गाउँपालिकाका स्थायी बासिन्दा समेत हुन् । उनले गाउँपालिकामा विकास निर्माणका कामहरुमा पुर्ण पारदर्शीता अपनाउदैँ काम सम्पन्न गरिरहेको बताए ।
भारती यसअघि बैतडी जिल्ला प्रशासन कार्यालयमा सहायक प्रमुख जिल्ला अधिकारी तथा प्रशासकीय अधिकृतको रुपमा काम गरिसकेका व्यक्ति हुन् ।
भागेश्वर गाउँपालिका हरेक बर्ष लगातार रुपमा लिजा मुल्यांकनमा अग्र स्थानमा आउन थालेसंगै पालिकाको बजेट समेत बढोत्तरी हुनेछ ।
