बैतडी।
बैतडीको दशरथचन्द नगरपालिका–१० खडेनी स्थीत पञ्चकोटी युवा क्लव द्वारा आयोजीत महिला क्रिकेट प्रतियोगीता सुरु भएको छ । प्रतियोगीताको बिहिबार नेपाल क्रिकेट संघ(क्यान)का अध्यक्ष चतुर बहादुर चन्दले एक समारोहका बिच उद्घाटन गरेका हुन् ।
बुढाबाजे खेल मैदानमा आयोजीत प्रतियोगीतामा ७ टीमहरु सहभागी रहेकाछन् । लिग चरणका खेलाइने प्रतियोगीताको पहिलो दिन सम्पन्न भएको खेलमा वडा न. ८ले विजय सुरुवात गरेको छ । वडा न.४ र ८ बीच भएको खेलमा वडा न.८ले १०२ रन बनाएको थियो । जवाफी व्याटीङमा उत्रेको वडा न.४ले निर्धारीत १५ ओभरमा ३विकेट गुमाउदैँ जम्मा ६० रन मात्रै बनाउन सक्यो । यस खेलमा जानवी मौनी म्यान अफ द म्याच घोषीत भएको आयोजकले जनाएको छ ।
उद्घाटन समारोहको सम्बोधन गर्दै क्यानका अध्यक्ष चन्दले खेल क्षेत्रका नाममा अनुचित ठाउँमा लगानी नगर्न स्थानियतहहरुलाई सुझाव दिएकाछन् । उनले स्थानियतहले खेल प्रतियोगीताहरु आयोजना गरेपनि अनुचित ठाउँमा बढी लगानी गरिरहेको बताए । उनले भने,‘अहिले राष्ट्रपती रनिङ सिल्ड, मेयर कप लगायत विभिन्न प्रतियोगीता गरिरहेको देखिन्छ तर अन्धाधुन्द रुपले कार्यकर्ताहरुलाई ड्रेस बितरण गरिएको छ । देहिमाण्डौँमा खेल हुदाँ १सय २५ जनालाई ड्रेस वितरण गरिएको छ, यो अनावश्यक लागानी हो, सबै पाट्रीका कार्यकर्ताले पाए होलान्, तर हामीले राष्ट्रिय स्तरको प्रतियोगीता गर्दा पनि बढीमा १ दर्जन व्याक्तिलाई ड्रेस बाडिन्छ । खेल मैदान निर्माणका नाममा लाखौँ करोडौँ रकम खर्च गरेपनि उचित मैदानमा लगानी भएको छैन् । पालिकाहरु कसैका कुरा सुन्दैनन्, उचित किसिममा सल्लाहरु मान्दैनन् ।’
उनले जिल्लाको बुढाबाजे खेल मैदान निर्माण गर्नुपर्ने देखिएकाले यसतर्फ लगानी लगाउन दशरथचन्द नगरपालिकालाई सुझाव दिए । कार्यक्रममा उपस्थीत दशरथचन्द नगरपालिकाकी उपप्रमुख कौशिला चन्दले खेल क्षेत्रमा उचित लगानी गर्न प्रतिवद्ध रहेको बताइन् ।
उद्घाटन समारोहमा सहभागी जिल्ला क्रिकेट संघ बैतडीका अध्यक्ष बिनोद बहादुर चन्दले खेल क्षेत्रलाई बिथोल्न विभिन्न प्रयासहरु हुने गरेकाले त्यस्तो नगर्न आग्रह गरे ।
पञ्चकोटी युवा क्लवका अध्यक्ष दिनेश चन्दले बुढाबाजे खेल मैदान निर्माणका ध्यान दिन सरोकारवाला निकायमा आग्रह गरे । खेल मैदानका लागि स्थानियबासीले पर्याप्त जग्गा दान गरेपनि उचित ठाउँमा लगानी नहुदाँ मैदान निर्माण हुन नसकेको बताए ।
क्लवको वार्षिकोत्सव समारोहको अवसरमा आयोजना गरिएको क्रिकेट प्रतियोगीतामा प्रथम पुरुस्कार ३०हजार तथा द्धितिय पुरुस्कार १५हजार रकमका साथमा मेडल प्रमापत्र राखिएको छ । सहित सप्ताहलाई समेत मध्यनजर गर्दै सञ्चालन भएको प्रतियोगीता १ हप्तासम्म सञ्चालन हुनेछ ।
