बैतडी ।
मानवीय व्यवहारका कारण बैतडीमा मानव अधिकार उल्लंघनका घटनाहरु न्युनिकरण नभएको एक कार्यक्रमका सहभागीले बताएकाछन् ।
आइतबार २५औँ अन्तराष्ट्रिय मानव अधिकार दिवसको अवसरमा आयोजीत अन्तरक्रियाका सहभागीले मानव अधिकार उल्लंघनका घटनाहरु नरोकिएका बताएकाछन् ।
दशरथचन्द नगरपालिकाकी उपमेयर कौशिला चन्दले बालबालिका देखी युवापुस्ता र सबै पुस्ताले मानव अधिकार उल्लंघनमा पर्ने बाध्यात रहेको बताइन् । दशरथचन्द नगर बाल सञ्जालका अध्यक्ष उमेश बडुले विद्यालयमा खुवाईने दिवा खाजा कार्यक्रममा समेत अनियमिमता हुने गरेको बताए । नेपाली कांग्रेस बैतडीका सह सचीव एंव अधिवक्ता दिपेन्द्र चन्दले मानवअधिकार उल्लंघनका घटनाहरु विश्वभर दिनप्रतिदिन हुने गरेको बताए । नेपालमा मानव अधिकार उल्लंघनलाई न्यूनिकरण गर्न प्रयासहरु भएपनि पुर्ण रुपमा सफल नभएको बताए ।
मानव अधिकार उल्लंघनका घटनाहरु न्यायीक समितिका माध्यमबाट न्युनिकरणको प्रयास गरिरहेको पुर्चौडी नगरपालिकाकी उपमेयर मिना धानुकले बताइन् । मानव अधिकारको उल्लंघन गर्दैन् र गर्न पनि दिदैँन भन्ने आधारमा सबै सचेत नागरिकलाई अघि बढ्न पाटन नगरपालिकाका उपप्रमुख कमल सिंह बोहराले सबैलाई सुझाव दिए ।
मानव अधिकार उल्लंघन हुन नदिनका लागि सबैले आ–आफ्नो तर्फबाट दैनिक जिवनमा गरिने व्यवहार सच्याउनुपर्ने प्रमुख जिल्ला अधिकारी सुरेश पन्थीले बताए ।
जिल्ला समन्वय समितिका उप–प्रमुख दमन बहादुर कुवरको अध्यक्षता भएको कार्यक्रमका प्रमुख अथिती दशरथचन्द नगरपालिकाकी उप मेयर कौशिला चन्द रहेकी थिइन् । कार्यक्रममा पाटन नगरपालिकाका उप–प्रमुख कमलसिंह बोहरा, पुर्चौडी नगरपालिकाकी उप–प्रमुख मिना धानुक प्रमुख जिल्ला अधिकारी सुरेश पन्थी विशिष्ट अतिथी रहेका थिए ।
कार्यक्रममा इन्सेक प्रतिनिधी नरी बडु, नागरिक समाजका अगुवा कर्ण दयाल, शिक्षा विकास तथा समन्वय इकाई प्रमुख नरेन्द्र अवस्थी, प्रमुख जिल्ला अधिकारी सुरेश पन्थीले मानव अधिकार उल्लंघनको वर्तमान अवस्था र न्युनिकरणका बिषयमा छुट्टाछुट्टै कार्यपत्र पेश गरेका थिए । कार्यक्रमको सञ्चालन मानव अधिकारकर्मी बलभद्र दयालले गरेका थिए । उनले मसानघाट र पानि पधेँरोमा समेत जातीय विभेद गरिनु मानव अधिकार उल्लंघनको ज्वलन्त उदाहरण भएको बताए ।
