बैतडी,
बैतडीको पाटन नगरपालिका–८ स्थित सिद्धेस्वर बचत तथा ऋण सहकारी संस्थाको साधारण सभा सम्पन्न भएको छ । शनिबार एक औपचारिक कार्यक्रमकाबीच नयाँ समिति गठन गर्दै साधारणसभा सम्पन्न भएको हो ।
प्रजापती महराको अध्यक्षतामा नयाँ सञ्चालक समिति गठन गरिएको छ । सहकारीका निवर्तमान उपाध्यक्ष समेत रहनु भएका महराको अध्यक्षतामा १३ सदस्य सञ्चालक समिति सर्वसम्मत रुपमा गठन गरिएको छ ।
यसअघि निवर्तमान सञ्चालक समितिका अध्यक्ष हरिश बिष्टको सभाअध्यक्षतामा सम्पन्न साधारणसभामा पाटन नगरपालिकाका नगर उपप्रमुख कमल सिंह बोहरा प्रमुख अतिथि रहनु भएको थियो भने पाटन नगरपालिका १० का वडा अध्यक्ष धन बहादुर कुवँर र वडा नं ९ का वडा अध्यक्ष कालु सिंह भाट बिशिष्ट अतिथि रहनु भएको थियो ।
नवनिर्वाचित सञ्चालक समितिको उपाध्यक्षमा राम सिंह बिष्ट, कोषाध्यक्षमा राजमती बिष्ट, सचिवमा दिवान सिंह बिष्ट, सह सचिवमा बिर सिंह महरा, सदस्यमा गगन सिंह बिष्ट, हरीदत्त भट्ट, भरत चन्द, राजमती बोहरा, बहादुर सिंह ऐरी, गोमती बिक, धाना भट्ट र राम सिंह महरा चयन भएका छन् ।
यसैगरी बसन्त बिष्टको संयोजकत्वमा ३ सदस्यीय लेखा समिति पनि गठन भइसकेको छ । लेखा समितिको सदस्यमा जयन्ती महरा र मदन सिंह भाट रहेका छन् ।
नव नियुक्त पदाधिकारी तथा सदस्यहरुलाई वडा नं ८ का वडा अध्यक्ष एवं निवर्तमान सञ्चालक समितिका अध्यक्ष हरिश बिष्टले पद तथा गोपनियताको सफथ खुवाएका थिए ।
सहकारीको सेयर पुजी २५ लाख, ५ हजार ३ सय रुपैयाँ बचत रहेको छ । नियमित बचततर्फ ३ करोड, ४४ लाख १८ हजार, २४१ रुपैया प्राप्त भएको छ । यसैगरी ऋण लगानी ३ करोड ७६लाख ५ हजार ४९४ रुपैया रहेको छ । २१ लाख ७७ हजार ४७७ रुपैया सम्पतीको रुपमा रहेको छ ।
हालसम्म यस सहकारीमा कूल ४ करोड ४८ लाख २ हजार ११६ रुपैयाको कारोबार भइसकेको छ ।
यस सहकारीमा नियमित, बाल बचत, दैनिक, शैक्षिक र आवधिक गरी पाँच प्रकारका बचतहरु रहेका छन् ।
२०५७ सालमा स्थापना भएको सहकारी एक पटक निकै घाटामा रहेको अवस्था रहेको थियो । २०६९ सम्म आइपुग्दा २०७ जना माात्रै सेयर सदस्य थिए भने ६ लाख रुपैया उठेको थियो । उक्त रकमबाट ३ लाख रुपैया ऋण उठ्न सकेको थिएन । उक्त समयमा सहकारीको सञ्चालक समितिमा हरिश बिष्टलाई अध्यक्षको जिम्मेवारी दिइएको थियो ।
त्यसयता लगातार सहकारीको सञ्चालक समितिको नेतृत्व गर्दै आएका बिष्टले सहकारीलाई यहाँसम्म पुर्याइ दिएका छन् । सञ्चालक समितिमा पनि उपाध्यक्ष सहित विभिन्न उपसमितिमा रहेका पदाधिकारीहरु सहज रुपमा चलायमान भएपछि सहकारी करोडौमा खेलिरहेको छ, भने यस क्षेत्रमा उदाहरणको रुपमा स्थापित भइसकेको छ ।
२०६९ सालदेखि सफल नेतृत्वदायी भुमिका निर्वाह गरेर संस्थालाई यहाँसम्म पुग्नमा मुख्य श्रेय अध्यक्ष बिष्टलाई जन्छ भने मातहतका पदाधिकारी, सदस्य, उपसमिति र कर्मचारीको टोलीको पनि राम्रो साथ रहेको सहकारीका व्यवस्थापक समेत रहेका राम सिंह महराले बताएका छन् । ‘मैलेपनि २०६९ देखि व्यवस्थापकिय जिम्मेवारीमा छु, साच्चिकै दयनिय अवस्थामा रहेको सहकारी यहाँसम्म पुगेको छ’ उनले भने ।
पाटन ९ स्थित ज्ञानेश्वर माविका विव्यस अध्यक्ष तथा सिद्धेस्वर खानेपानी तथा सरकारसफाई समिति, खोडपे बजार व्यवस्थापन समितिमा समेत सफल नेतृत्वदायी भूमिकामा रहेका बिष्ट अहिले वडा अध्यक्षको रुपमा कार्यरत छन् ।
सहकारीको विकासका लागि अझैपनि आफ्नो तर्फबाट गर्नसक्ने काम गर्ने बिष्टले बताएका छन् । बिगतका वर्षहरुमा प्रदेश सरकारको युवा स्वरोजगार कोषबाट सहुलियत दरमा ४० लाख ऋण प्राप्त भई यस सहकारीमा आबद्ध युवाहरुलाई सहुलियत दरमा ऋण प्रदान गरिएको थियो भने यस वर्ष पनि ५० लाख स्वीकृति भइसकेको बिष्टले बताए । यस सहकारीमा आवद्ध युवाहरुको लागि व्यवसाय प्रवद्र्धनमा यस रकमलाई सहुलियत दरमा ऋण उपलब्ध गराइने उनले बताए ।
सहकारीको नयाँ सञ्चालक समिति पनि अनुभवी रहेको छ । प्रजापती महरा, दिवान सिंह बिष्ट, राम सिंह बिष्ट, गगन सिंह बिष्ट, बिर सिंह महरा तथा हरिदत्त भट्ट लगायतको अनुभवी टिम यतिबेला चयन भइसकेको छ ।
