बैतडी ।
नेकपा(एमाले)ले १४ मंसिरमा झुलाघाट–चिवाभञ्ज्याङ संकल्प यात्रा बैतडीको झुलाघाटबाट सुभारम्भ गर्दैछ ।
संकल्प यात्राका बखत बैतडीमा पार्टी अध्यक्ष तथा पुर्व प्रधानमन्त्री केपी ओली सहित नेताहरु बैतडी आउदैँछन् । १३ मंसिरमा पाटनमा आयोजना गरिने अभिनन्दन समारोहलाई अध्यक्ष ओलीले सम्बोधन गर्नेछन् । सोहीदिन देहिमाण्डौँमा कार्यकर्ता र सुभेच्छुकहरु संग भेटघाट कार्यक्रम तय गरिएको छ ।
१४ मंसिरमा बिहानै साढे ८ बजे झुलाघाटमा अध्यक्ष ओलीले नेपाली झण्डा झण्डोत्तोलन गर्ने कार्यक्रम तय गरिएको छ । दिउँसो १२बजे गोठलापानी बजारमा आयोजना हुने बिसाल आमसभा लाई सम्बोधन गर्ने कार्यक्रम तय गरिएको छ ।
गोठलापानी बजारमा आयोजना हुने आमसभामा २० हजार कार्यकर्ता तथा शुभचिन्तकहरुको उपस्थीति रहने पार्टी नेताहरुले बताएकाछन् । गोठलापानीमा आयोजना गरिने आमसभालाई अध्यक्ष ओलीले मात्रै एकल वक्ताका रुपमा सम्बोधन गर्नेछन् ।
“सम्वृद्धिका लागि संकल्प यात्रा २०८०” नाम तय गरिएको उक्त यात्रा अन्तरगत पुष्पलाल (मध्यपहाडी) राजमार्ग भरी विभिन्न कार्यक्रमहरु तय गरिएका छन् । बैतडीमा भने, गोठलापनीको कार्यक्रमपछि खोड्पेमा बझाङ र बैतडीका नेता कार्यकर्ताहरुसंग भेटघाट कार्यक्रम तय गरिएको छ भने, १४ मंसिरमै डडेल्धुरामा आमसभा आयोजना गरिनेछ ।
यसरी बैतडीको झुलाघाटबाट पाँचथर जिल्लाको चिवाभञ्ज्याङसम्म हुने संकल्प यात्रामा पार्टी अध्यक्ष ओली सहित ३सय केन्द्रीय नेताहरुको सहभागीता रहनेछ । यसैगरि पार्टीको सबै जनवर्गीय संगठनका नेताहरु सहभागी रहनेछन् ।
बैतडी सदरमुकाममा हुने आमसभाका लागि जिल्ला स्थीत सबै वडा तथा पालिकाबाट पार्टी कार्यकर्ता, जनवर्गिय संगठनमा आवद्ध व्यक्तिहरु तथा सुभेच्छुकहरु उपस्थीत हुने एमाले बैतडीले जनाएको छ ।
नेकपा(एमाले)को केन्द्रीय कमिटीले आयोजना गर्ने उक्त कार्यक्रममा सहभागीताका लागि अध्यक्ष ओली द्वारा हस्ताक्षरित निमन्त्रणा कार्डहरु वितरण भैरहेको छ ।
