बैतडी।
बैतडीमा आगलागीबाट बच्ने उपायका बिषयमा नागरिकलाई सचेत गराउन थालिएको छ । आगलागीबाट बच्ने उपायका बिषयमा आज जिल्ला सदरमुकाम गोठलापानीमा डेमो प्रर्दशन गरिएको छ । चाडपर्वका बेला हुनसक्ने आलगालीका घटना नियन्त्रण गर्ने उद्देश्यले नेपाली सेना र सशस्त्र प्रहरीको टोलीले डेमो देखाएको हो ।
डेमोमा ग्यास सिलिण्डर लिक हुदाँ बन्दगर्ने तरिका, आगलागी हुदाँ आगो निभाउने तरिका, आगलागीबाट घाइते भएमा प्राथमिक उपचार बिधि तथा घाइतेलाई अस्पताल पु¥याउने तरिकाका बिषयमा डेमो देखाइएको हो ।
आगलागीको क्षति कमगर्न उचित तरिका अपनाउने बिषयमा नागरिकलाई सचेत गराउन डेमो देखाइएको प्रमुख जिल्ला अधिकारी सुरेश पन्थीले बताए । चाडपर्वमा सर्तकता नअपनाउदाँ अप्रिय घटनाहरु हुनसक्ने भएकाले दुर्घटनाको क्षतिबाट बच्ने उपाय सिकाइको उनले बताए । उनले आगलागी वा कुनैपनि प्रकोपका घटनाहरु भएमा नजिकको प्रहरी, स्थानिय सरकार वा प्रशासनलाई तुरुन्तै खबर गरेर सहयोग लिन समेत सबैमा आग्रह गरे ।
कुनैपनि प्रकोप आउदाँ त्यसबाट बच्ने र क्षति कम गर्ने बिषयमा सबै नागरिकले जानकार हुनु जरुरी रहेको नेपाल रेडक्रस सोशाइटी शाखा बैतडीका मन्त्री रमेश भण्डारीले बताए । उनले बेलाबेलामा रेडक्रसले समेत डेमोहरु प्रर्दशन गर्दै आएको बताए ।
यसरी नाटक जस्तै डेमो देखाएर नागरिकलाई सचेत गराउनु सराहनिय कार्य भएको रुडेश बैतडीका कार्यकारी निर्देशक गोविन्दराज जोशीले बताए । केहि प्रकोपहरुबाट सहजै बच्न सकिने भएपनि तरिका थाहा नपाएका कारण क्षति व्यहोर्न बाध्य हुनु पर्ने भएकाले प्रकोपबाट बच्ने तरिकाबारे सबै जानकार हुनु जरुरी रहेको उनले बताए ।
डेमो हेरेपछि ग्यास सिलेण्डरको आगलागीबाट सहजै बच्न सकिने कुरा थाहा पाएको स्थानियबासी जयराज अवस्थीले बताए । डेमो हेरेकाले आगामी दिनमा ग्यास लिग भएर आगो लागेमा निभाउन सहज भएको उनले बताए ।
