बैतडीको पाटन नगरपालिका–३ स्थित रहेको श्री सिगास माध्यमिक विद्यालयमा क्याम्पस स्थापना गर्ने अभियान लाई तिव्रता दिईएको छ । उच्च शिक्षाको अवसरबाट कोही बञ्चित नहुन, घरमा बसी बसी उच्च शिक्षा प्राप्त गर्न सकुन भनेर यहि भाद्र २१ गते सुदूरपश्चिम विश्वाविद्यालय समक्ष स्नातक तह सञ्चालनका लागि सम्बन्धन लिनु निवेदन पेश गरिएको विद्यालय व्यवस्थापन समितिका अध्यक्ष एवं क्याम्पस संचालन तदर्थ समितिका संयोजक प्रेम सिंह भाटले जानकारी दिए ।
विश्व विद्यालयले आह्वान गरेको सूचनाको आधारमा निवेदन पेश गरिसकेको र क्याम्पस स्थापनाका लागि धरौटी फर्निचर लगायत आवश्यक पुर्वाधार निर्माणका लागि आर्थिक संकलन अभियान थालनी गरिएको विद्यालयले जनाएको छ । स्नातक तह संचालनका लागि शैक्षिक महाअभियान २०८० को शुरुवात गरिएको र यहि भाद्र २५ गते देखि औपचारिक रुपमा व्यक्ति संघ संस्था कार्यालयहरुबाट स्वैच्छिक रुपमा आफ्नो श्रद्धा, आस्था शक्ति अनुसारको आर्थिक सहयोग संकलनका लागि पहल गरिएको थियो ।
विद्यालय सेवा क्षेत्रभित्रका आठ वटा स्थानहरुमा सरोकारवाला व्यक्तिहरुको भेला बोलाई क्याम्पस संचालनका आर्थिक सहयोग संकलन गर्ने कार्य गरिएको र हाल सम्म ४१ लाख दश हजार पच्चिस रुपया संकलन भएको संयोजक प्रेम सिंह भाटले जनाएको छ ।
स्नातक तहको कक्षा संचालन गर्न सकियो भने कम लगानीमा घर बाट नै आवत जावत गरेर बालबालिकाहरुले उच्च शिक्षा लिन सक्ने भएकाले यस अभियानमा सम्पूर्ण अभिभावकहरुको साकारात्मक साथ सहयोग प्राप्त भईरहेको तदर्थ समितिका सचिव नवराज भट्टले बताएको छ ।
क्याम्पस स्थापनाको लागि विद्यालय संग विषयगत शिक्षक रहनु विद्यार्थी संख्याका प्रसस्त आधारहरु हुन यस क्षेत्रका अभिभावक र सरकोकारवालाहरुको साथ सहयोग सक्रियता हुनाले क्याम्पस स्थापना हुनेमा दुईमत नरहेको र आर्थिक मात्रै नभई विद्यालयलाई भौतिक नैतिक रुपमा पनि सहयोग गर्न सकिने भट्टले बताए ।
क्याम्पस संचालक तदर्थ समितिका संयोजक भाटको अध्यक्षतामा मंगलबार बसेको तदर्थ समितिको पूर्ण बैठकले हालसम्मका प्रगती समिक्षा, आगामि रणनिती बारे बृहत छलफल गरि सम्पन्न गरिएको समितिका सदस्य दिलिप सिंह कठायतले बताएको छ ।
हाल सम्म सहयोग गर्नुहुने सबै सहयोगी दानविरहरु लाई समितिको तर्फबाट धन्यवाद प्रदान गरिएको र सहयोग गर्नु छुटहुन पुगेका महानुभाव ज्यूहरु लाई सहयोगका लागि अपिल गरिएको सदस्य कठायतले बताएका छन् । भाद्र १५ गतेको आमभेलाबाट क्याम्पस बनाउने निर्णय गरिए अनुसार आर्थिक संकलन तथा प्रचार प्रसारका लागि विभिन्न टोलहरुमा उप समितिहरु, सल्लाहकार समिति, सचिवालय समेत गठन गरि कार्य योजना निर्माण गरिएको र उक्त कार्य योजना अनुसारका क्रियाकलापहरुलाई कार्यान्वयनका लागि अभियान लाई तिव्रता दिइने संयोजक भाटले बताएको छ ।
विद्यालय बाट स्वैच्छिक रुपमा आफ्नो श्रद्धा, आस्था शक्ति अनुसारको आर्थिक सहयोग गर्ने दानदाताहरु लाइ विभिन्न सम्मान सहित अभिलेख राखि सम्मान गरिने विद्यालयले जनाएको छ ।
