बैतडीको पाटन नगरपालिका–२ स्थित महारुद्र मन्दिरमा ताम्रपत्रको छानो राखिने भएको छ । मन्दिरको भवनमाथि ताम्रपत्र राखिने भएको हो ।
सिलटले छाएको छानोमा अब ताम्रपत्र राखिने पाटन नगरपालिकाका उपप्रमुख कमल सिंह बोहराले जानकारी दिए । प्रदेश सरकारको ७ लाख सहयोगमा ताम्रपत्रको छानो हालिन लागिएको उनले बताए ।
४ क्वीन्टल तामा खरिद गरिएको र थप आवस्यक परे स्थानीय र प्रदेश सरकारसँग माग गरिने महारुद्र मन्दिरका भरणे गणेश सिंह ऐरले जानकारी दिए । ्प्रदेश सरकारको सहयोगमा ७ लाखको ताम्रपत्र खरिद गरिएको र राख्नको लागि सालको काठ र कामदार खर्चको आवश्यकता रहेको भरणे ऐरले बताए ।
छानो हाल्नको लागि पाटन नगरपालिकाले पनि आवस्यक पहल गर्ने उपप्रमुख बोहराले बताएका थिए ।
पाटन नगरपालिका र प्रदेश सरकारको सहयोगमा मन्दिरका लागि खानेपानीको योजना सम्पन्न भइसकेको छ । सोही योजनाको सोमबार अनुगमन समेत गरिएको थियो ।
पाटन नगरपालिकाका उपप्रमुख कमल सिंह बोहरा, जिल्ला समन्वय समितिका सदस्य करन कठायत, योजना शाखा प्रमुख इन्जिनियर मोहनदेव भट्ट, योजना शाखामा कार्यरत बिर सिंह महता लगायतको प्राबिधिक टोलीले उक्त योजनाको अनुगमन गरेको हो । मन्दिर परिसमा खानेपानीको पहुँच पुगेसँगै दर्शनार्थीहरुलाई सहज हुनेछ ।
यस क्षेत्रकै प्रशिद्ध धार्मिकस्थलको रुपमा रहेको महारुद्र मन्दिरमा भदौ, असोज, कार्तिक, माघ, चैत्र अष्मटीमा पुजाआजा लाग्ने गर्दछ भने विशेष पूजाआजा सहितको जात्रा कार्तिक शुक्लपक्षमा लाग्ने गर्दछ ।
