नेपाली कांग्रेस बैतडीको जिल्ला सम्मेलन आइतबार पाटनमा सम्पन्न भएको छ । कांग्रेसका केन्द्रिय सदस्य नृप बहादुर वडको प्रमुख आतिथ्यतामा जिल्ला सम्मेलन सम्पन्न भएको हो ।
सम्मेलनमा संगठन विस्तार, क्रियाशील सदस्यता, पार्टीले गरेको काम कारबाहीका बारेमा समीक्षा र पार्टीलाई चलायमान बनाउन गम्भिर रुपमा बहस भएको कांग्रेस बैतडीका सचिव प्रेम बहादुर चन्दले बताए । कांग्रेसको संगठनको अवस्था, पार्टीको संरचना, संगठन सुदृढीकरणका लागि खेल्नुपर्ने भूमिका, संगठन विस्तारका लागि अपनाउनुपर्ने रणनीति, पार्टीभित्र देखिएका समस्या समाधानका विषयमा सम्मेलनमा छलफल भएको उनले बताए ।
सम्मेलनमा बोल्दै प्रमुख अतिथि वडले पार्टी भित्र भइरहेको गुटउपगुट तथा सिन्डिकेटको निर्णय लाद्ने प्रवृत्तिलाई मेटाएर एकता, अनुशासन कायम गरी आन्तरिक लोकतन्त्रलाई सुदृढीकरण गर्ने र पार्टीलाई नेतामुखी नभई नीतिमुखी तथा जनतामुखी बनाउनेमा जोड दिए ।
त्यस्तै कार्यक्रममा बोल्दै नेपाली काङ्ग्रेस बैतडीका सभापति चतुर बहादुर चन्दले कांग्रेस बैतडीले पार्टीलाई प्रभावकारी रुपमा गाउँगाउँमा पु¥याउन र जिल्लामा सबैतिर देखिने, सुनिने र जनताले समेत अनुभूति गर्ने कांग्रेस बनाउन सामाजिक र सिर्जनात्मक क्रियाकलापहरु निरन्तर रूपमा अगाडि बढाउनुपर्नेमा जोड दिए ।
कार्यक्रममा नेपाली काङ्ग्रेस सुदूरपश्चिम प्रदेश कार्यसमिति उप सभापति लोक राज भट्ट, प्रदेश सभा सदस्य शिबराज भट्ट, जिल्ला समन्वय प्रमुख खगेन्द्र सिंह धामी, नेपाली कंग्रेस बैतडीका उप सभापति वीर बहादुर बिष्ट, सचिव प्रेम बहादुर चन्द, पाटन नगरपालिका नगर प्रमुख गौरी सिंह रावल लगायतका नेपाली काङ्ग्रेसका नेताकार्यकर्ताको उपस्थिति रहेकोे थियो ।
