बैतडी
बैतडी जिल्ला सदरमुकाममा खानेपानीको हाहाकार भएको छ । २हप्ता यता यहाँका धाराहरुमा खानेपानी आउने छाडेपछी व्यापारी तथा स्थानियबासी मारमा परेकाछन् । सदरमुकाम स्थीत बृहत खानेपानी आयोजनामा समस्या आएपछी खानेपानीको हाहाकार भएको गोठलापानीका स्थानिय व्यापारी खिमानन्द भट्टले बताए ।
उनले भने,‘पहिला मासिक ३सय रुपयाँ तिरेपछी १महिना पानी खान पाइन्थ्यो । अहिले ट्यांकरमा पानी ल्याउनुपर्दा मासिक ४हजार खर्च हुदैँछ । १८ करोड रकम खर्च गरेर बृहत खानेपानी आयोजना सञ्चालनमा ल्याइएको हो । उक्त आयोजनाको पानी खान नपाएपनी शुल्क भने हरेक महिना तिर्नुपर्छ । पानी सुचारु गर्ने बिषयमा सरोकारवाला मौन रहेका देखिन्छन् । नेताहरु अहिले भोट माग्न आउदाँ पानी अभावकै कारण मुख धुन नपाइ मुख अध्यारा देखिन्छ भने, विगतमा गरेको प्रतिवद्धता समेत पुरा नगर्दा अध्यारो अनुहार लगाएर आउछन् ।’
धारामा खानेपानी आउन छाडेपछी दैनिक ट्यांकरबाट पानी मगाउनु परेको अर्का व्यापारी यज्ञराज बोकटीले बताए । उनले भने,‘निर्वाचन नजिक आएकाले बजारमा मानिसको भिड बढेको छ । राजनितिक दलका नेता, कार्यकर्ता देखी म्यादी प्रहरी तथा कृषि गणनाका प्रशिक्षार्थीहरु आएकाले बजारमा भिडभाड बढेको छ । पानीको अभाव पुर्ति गर्न निकै समस्या छ ।’
सदरमुकाममा पानीको समस्या हुदाँ सार्वजनिक शौचालय समेत बन्द रहेकाले बजारमै खुल्ला दिशापिसाव गर्ने गरेको स्थानिय सुरेश बहादुर चन्दले बताए ।
बृहत खानेपानी आयोजना बनाउन कोशिस गरिरहेको सरोकारवालाको दावी छ । नगर खानेपानी उपभोक्ता समितीका अध्यक्ष धर्मानन्द पाण्डेयले भने,‘हामी खानेपानी बनाउन लागीपरेका छौँ । खानेपानीको मुहानमै पानीको मात्रा घटेको देखिन्छ । सबै उपझोक्तालाई कसरी प्रयाप्त खानेपानी पुगाउन सकिन्छ त्यसको पहलमा छु । म अध्यक्ष बनेको १महिना मात्रै पुग्दैछ, म सबै उपभोक्तालाई पानी पुर्याउन प्रतिवद्ध छु ।’
