बैतडी,
बैतडीमा दुनाटपरी उद्योग सञ्चालनमा आएको छ । स्थानीयस्तरमा पाइने सालका पात प्रयोग गरी फरक फरक किसिमका दुनाटपरी उत्पादन गरिने गरिएको हो ।
बैतडीको दशरथचन्द नगरपालिका–६का महिलाहरु दुनाटपरी उत्पादन गर्ने गरेका छन् । साजेदारी निकाय रुडेस र अक्सफामको आर्थिक तथा प्राबिधिक सहयोगमा दुनाटपरी उद्योग सञ्चालनमा आएको हो । ग्रामिण क्षेत्रमा पाइने सालका पातहरुबाट ३ किसिमका दुना र टपरी उत्पदान गर्ने गरिएको छ । यहाँ उत्पदान गरिएका दुना र टपरीहरु बिक्रि गर्न समेत सुरु गरिएको सन्तु भारतीले बताइन् ।
यहाँका दुना तथा टपरी बिवाह, ब्रतबन्ध तथा सामुहिक भोजमा प्रयोग हुने गरेका छन् । स्थानीय सरकारबाट बजारीकरणमा सहयोग भएको अवस्थामा उत्पदकत्वमा बृद्धि गराई व्यावसाय विस्तार गर्न सकिने उद्यमी भागरथी जोशीले बताइन् ।
बिवाह, ब्रतबन्ध, पुजापाठ, सामुहिक भोजमा प्रयोग हुने प्लाष्टिकजन्य भाकाकुडाको प्रयोगले वातावरणमा प्रतिकुल असर पार्ने गर्दछ । यहाँ उत्पदान भएको दुना तथा टपरीहरु वातावरणमैत्री छन् । आफ्नै गाउँ वरपर रहेका सालका पातहरु प्रयोग गरी व्यावसाय सुरु गरिएको छ भने यसबाट महिलाहरुलाई आर्थिक उर्पाजनसँग पनि जोडेको छ ।
स्थानीय स्तरमै बनेको दुना तथा टपरीको प्रयोगले वातावरणमा कुनै नकारात्मक प्रभाव नपर्ने र वातावरण संरक्षणमा समेत टोवा पुग्ने सहयोगी साजेदारी निकाय रुडेस बैतडीका कार्यक्रम अधिकृत गोपाल भाटले बताए ।
यहाँ दैनिक दुईसयबढी दुना तथा टपरी बन्ने गरेका छन् । बजारीकणमा सहयोग पुगे थप जनसक्ती परिचालन गरि उत्पदान बढाउन सकिने उद्यमी महिलाहरु बताउछन् ।
आइतबार पाटन नगरपालिकाको टोलीले समेत भ्रमणमा गएको थियो । दुना टपरी उद्योगको पनि अनुगमन गरेको थियो । यस उद्योगले महिलाहरुलाई आन्तनिर्भर बनाउन प्रेरीत गरेको र पाटन नगरपालिकामा पनि यस्ता कार्यक्रम सञ्चालनमा ल्याउनुपर्ने पाटन ८ का वडा अध्यक्ष हरिश बिष्टले बताए ।
स्थानीयतहले बजारीकरणमा सहयोग पुर्याएको अवस्थामा ब्यावसाय बृद्धिभई रोजगारीमा टेवा पुग्ने विश्वास गरिएको छ । रुडेस तथा आक्सफाम नेपालले उद्योग स्थापनाका लागि घर निर्माण गर्नुका साथै औजारको व्यवस्था गरेको थियो, भने दुना तथा टपरी उत्पादनका लागि महिलाहरुलाई तालिमको समेत व्यवस्था गरेको थियो ।
