बैतडीको मेलौली नगरपालिका २ कपर्त स्थीत कोटेश्वर आधारभुत विद्यालयको ३८ औं बार्षिकोत्सव कार्यक्रम सम्पन्न भएको छ । आइतबार विविध खेलकुद तथा सांस्कृतिक कार्यक्रमका साथ सम्पन्न भएको हो । प्रधानाध्यापक धनिराम बिकले ४९ लाख ४३ हजार बराबरको बार्षिक प्रतिबेदन प्रस्तुत गर्नुभएको थियो ।
विद्यालयमा खानेपानीको ,लेखा शिक्षक र इन्टरनेटको समस्या रहेको प्रधानाध्यपक विकले बताए । कार्यक्रममा प्रमुख अतिथी समेत रहेका मेलौली नगरपालिकाका नगरप्रमुख भीबहादुर चन्दले विद्यालयमा रहेका विभिन्न समस्याको समाधान गर्न आफू सधै प्रतिवद्ध रहेको बताए । विद्यालयको सर्वाङ्गीण विकासका लागि शिक्षक अभिभावक जनप्रतिनिधी लगायतक सबै सरोकारवाला निकाय मिलेर अघी बढ्नुपर्ने विद्यालय व्यवस्थापन समितीका अध्यक्ष विवेकान्नद पाण्डेय बताए ।
बार्षिकोत्सवको अवसरमा निमावी स्तरीय भलिबल प्रतियोगिता सञ्चालन पनि गरिएको विद्यालयले जनाएको छ । फागुन १ र २ गते सञ्चालन भएको भलिवल प्रतियोगितामा केदारेस्वर मावि दुर्गास्थान प्रथम, आयोजक कोटेश्वर आधारभुत विद्यालय द्धितिय र शान्तीप्रकाश आधारभुत विद्यालय तृतिय भएको प्रधानाध्यापक धनिराम विकले जानकारी दिए ।
प्रतियोगितामा प्रथम हुने विद्यालयले ३ हजार नगद सहित शिल्ड प्रमाणप्रत्र, द्धितिय हुने विद्यालयले २ हजार नगद सहित शिल्ड प्रमाणपत्र र तृतिय हुने विद्यालयलाई १ हजार नगद सहित प्रमाणपत्र प्रदान गरिएको थियो । यसका साथै उत्कृष्ट खेलाडीलाई पुरस्कृत पनि गरिएको विद्यालयले जनाएको छ ।
विद्यालय व्यवस्थापन समितीका अध्यक्ष विवेकानन्द पाण्डेयको अध्यक्षतामा सम्पन्न उक्त कार्यक्रमका प्रमुख अतिथि मेलौली नगरपालिकाका नगरप्रमुख भीमबहादुर चन्द रहनुभएको थियो । विशिष्ट अतिथी मेलौली वडा नं २का वडा अध्यक्ष कृष्ण दत्त भट्ट, वडा नं ९ का वडा अध्यक्ष लोकराज भट्ट समाजसेवि लोक बहादुर चन्द रहेका थिए ।
