बैतडी,
बैतडीको पाटन नगरपालिका ६ मा मृत फेला परेका डडेल्धुराको नवदुर्गा गाउँपालिका ५ का २० वर्षीय पदम अवस्थीको मृत्यु प्रकरणमा प्रहरीले अनुसन्धान अघि बढाएका जनाएको छ । घटना भएका चार दिन भइसकेको छ । मृतक पदम पाटन पुगेकै दिन १७ गतेदखि देखि उनको सम्पर्कमा आएका ब्याक्तिहरुलाई सोधपुछको काम भइरहेको जिल्ला प्रहरी कार्यालय बैतडीका प्रबक्ता, प्रहरी निरिक्षक योगेश खत्रीले जानकारी दिए ।
‘उनि पाटन पुगेकै दिनदेखि उनको सम्पर्कमा आएका सबैसँग सोधपुछ गरीरहेका छौँ, उनको साथमा भटिएका केहि तथ्य र प्रमाणबारे पनि सुक्ष्म अनुसन्धान भइरहेको छ,’ प्रहरी निरिक्षक खत्रीले भने । पाष्टमाटम रिर्पाेट पनि प्राप्त भएको र रिर्पाेटको आधारमा अनुसन्धान अघि बढाएको पनि उनले बताए ।
पोष्टमाटम रिर्पाेट पनि प्राप्त भएको छ, रिर्पाेटको आधारमा पनि अनुसन्धान भइरहेको छ । घटनास्थलमा देखिएका विवरण र घटनाको प्रकृति हेर्दा हत्या भएको जस्तो छ नी? भन्ने जिज्ञासामा पहरी निरिक्षक खत्रीले अहिले ‘यहि हो भनेर भन्न सकिदैन, सबै अनुसन्धान पछि भन्ने कुरा हो, हाम्रो अनुसन्धान चल्दैछ’ उनले भने ।
आफन्तका अनुसार पदम १७ गते नै आफुले काम गरेको होटलबाट पारीश्रमिक लिन आएका थिए । १८ गते प्रहरीमा दिन तयार पारिएको निवेदन समेत घटनास्थलमा भेटिएको थियो । यसैगरी २३ गतेको मिति उल्लेख गरिएको १० हजार रुपैयाको चेक समेत भेटिएको थियो । यो विवरण भटिएका बारे प्रहरीले पनि पुष्टि गरेका छ । यी विवरणकै आधारमा अनुसन्धान अघि बढेको प्रहरीको भनाइ छ ।
आफन्तले भने निश्पक्ष छानबिन हुनुपर्ने बताउदै आएका छन् । लडेर मृत्यु नभई कसैले हत्या गरेर फालेको आफन्तको भनाइ छ ।
