बैतडी,
बैतडीको पाटन नगरपनलिकाको वडा नं ८ मा पालिकाबाट सञ्चालन हुन लागेका योजनाहरुको सम्झौता गरिएको छ । मंगलबार वडा कार्यालयमै नगरपालिकाको टोली आएर योजनाको सम्झौता गरेको हो । नगरपालिकाबाट सञ्चालन हुने ३३ योजना मध्ये २६ योजनाको सम्झौता भएको वडा सचिव शरद प्रशाद भट्टले जानकारी दिए ।
नगरपालिकाको टोली वडा कार्यालयमै आएर योजनाका सम्झौता गरिन थालिएपछि उपभोक्ता समितिलाई पनि सहज भएको छ । यसअघि नगरपालिकाको कार्यालयमै गएर सम्झौता गनुपर्दा समितिका पदाधिकारीहरुलाई झन्जटीलो हुदै आएको थियो ।
योजना कार्यान्वयन गर्दा गुणस्तरमा ध्यान दिन उपप्रमुख एवं योजना अनुगमन समितिका संयोजक कमल सिंह बोहराले बताए । सम्बन्धीत गाउँ तथा टोलले काम गर्ने जिम्मा दिएर पदाधिकारी बनाएको र जिम्मेवार भएकार काम गर्न निर्देशन समेत दिए ।
योजनाहरुलाई चैत्र मसान्तमै सम्पन्न गर्नेगरी काम गर्न प्रशासन साखा प्रमुख राजेन्द्र प्रशाद भट्टले बताए । योजना निर्माण गर्दा दिगोपनामा ध्यान दिन समेत उनले आग्रह गरे ।
अपनत्वको भावना लिएर सबै उपभोक्ताहरुले काम गर्नुपर्ने र राम्रो काम गर्ने समितिलाई सम्मान गरिने वडा अध्यक्ष हरिश बिष्टले बताए । राम्रो काम गर्ने योजना समिति र सम्बन्धीत टोल तथा गाउँमा थप योजना प्रदान गर्न सकिने समेत उनले बताए ।
योजना कार्यान्वयनको चरणमा कुनै समस्या भएको अवस्थामा वडा कार्यालय र नगरपालिकाको कार्यालय तथा सम्बन्धित कार्यालयका जनप्रतिनिधि तथा कर्मचारीहरुसँग समन्वय गर्न योजना साखामा कार्यरत बिर सिंह महताले आग्रह गर्नुभयो ।
वडा नं ८ मा नगरपालिकाबाट ३३, प्रदेश सरकारबाट १३ र संघीय सरकारबाट २ योजना गरी ४८ योजना कार्यान्वयनको चरणमा रहेका छन् ।
उपप्रमुख कमल सिंह बोहराको नेतृत्वमा प्रशासन साखा प्रमुख राजेन्द्र प्रशाद भट्ट, वडा नं ८ का वडा अध्यक्ष एवं नगरपालिकाको समाजिक विकास समिति संयोजक हरिश बिष्ट, योजना साखामा कार्यरत बिर सिंह महता, प्राबिधिक सन्नी बिष्ट, वडामा सञ्चालन हुने योजनाका पदाधिकारीहरुको उपस्थिती रहेको थियो ।
