बैतडी,
बैतडीको पाटनमा जारी दोश्रो संस्करणको पाटन प्रिमियर लिग खुल्ला पुरुष क्रिकेट प्रतियोगितामा शुक्रबार नै सेमिफाइनलका खेलहरु खेलाइने भएको छ ।
क्वाटर फाइनलबाट सेमि फाइनलमा पुग्ने दुई टोलीका टुंगो लाग्न बाकी छ । समुह ‘ए’बाट सेमिफाइनलमा पुग्ने टोलीको टुङ्गो लागेको हो । समुह ‘ए’बाट भिमदत्त पोलि टेक्निकल इन्स्च्युट (बिडिपिआइ)को टोली समुह बिजेता भन्दै सेमि फाइनलमा स्थान बनाएको छ, भने पाटन स्टार क्रिकेट क्लबले पनि सेमिफाइनलमा समुह उपविजेता बनेर सेमिफाइनलमा स्थान बनाएको छ । बाशुलिङ क्रिकेट क्लब जारी प्रतियोगिताबाट बाहिरिएको छ ।
बिहिबार पाटन स्टार क्लवलाई भिमदत्त पोलि टेक्निकल इन्स्च्युट (बिडिपिआइ)को टोलीले पाटन स्टारलाई पराजित गरेसँगै पोल टपर (समुह बिजेता)बनेको हो । बाशुलिङ क्रिकेट क्लब ‘वाकओभर’ हुदै बाहिरिएको हो । बाशुलिङ क्रिकेट क्लबले टिम दर्ता गर्दा टिम प्रशिक्षक र टिम व्यवस्थापक सहित १८ जनाको नामावाली बुझाएको थियो । तर बिहिबार अर्थात आजको क्वाटर फाइनलको खेलमा १८ जनाको नामावली बुझाएको भन्दा बाहिरका खेलाडीलाई समेत खेलाएपछि आयोजकले कारवाही गरेको हो ।
पोल ‘ए’ को आजको पाटन स्टार र बिडिपिआइबीच भएको खेलमा बिडिपिआइ विजयी भएको छ । टस जितेर ब्याटिङ थालेको पाटन स्टारले ६ विकेट गुमाएर ८७ रन बनायो । स्टारका पंकज चन्दले २६ रन बनाए । बिडिपिआइका प्रकाश बुडालले २ विकेट लिए । ८८ रनको विजयी लक्ष पछ्याएको बिडिपिआइले ७ ओभरमा नै लक्ष भेट्टायो । बिडिपिआइका लागि सुमित बुडालले ४८ रनको योगदान दिए । पाटन स्टारका पंकज चन्दले २ विकेट लिए । बिडिपिआइका सुमित म्यान अफ द म्याच चुनिए ।
यसैगरी समुह ‘बी’बाट सेमीफाइनलमा पुग्ने टोलीको टुंगो लाग्न बाकी छ । शुक्रबार हुने पिसिसि पल्टन र खोडपे क्रिकेट क्लबबीचको खेलपछि सेमि फाइनलमा पुग्ने दुई टोलीको टुंगो लाग्ने छ ।
आज खोडपे क्रिकेट क्लब (केसीसी)ले ग्वाल्लेक क्रिकेट क्लबलाई ५१ रनले हराएको छ । टस हारेर ब्याटिङको निम्ता पाएको केसीसीले निर्धारित १५ ओभर ३ विकेट गुमाएर २२४ रन बनाएको थियो । केसीसीका लागि सचिन मेहरले ३३ बलमा १०९ रनको सतकिय पारी खेले । उनले दुई पटक ह्याट्रीक सहित १५ छक्का हिर्काएका थिए भने दुई चौका पनि हिर्काएका थिए । खोडपेका भुपेन्द्र राउतले ३० तथा नितेस बिष्टले २४ रन बनाएका थिए । ग्वाल्लेकका पंकज पन्तले २ विकेट लिए । २२५ रनको विजय लक्ष पछ्याएको ग्वाल्लेकले निर्धारित १५ ओभरमा ९ विकेट गुमाएर १७६ रन मात्रै बनाउन सक्यो । ग्वाल्लेकका दिपक बोहराले ८४ रन बनाएपनि टिमलाई जिताउन सकेनन् । अन्य ब्याटरले राम्रो प्रदर्शन गर्न सकेनन् । खोडपेका धिरज साउँद र सचिन मेहरले समान ३÷३ विकेट लिए । ब्याटिङमा सतकीय पारी खेलेर टिमलाई जिताउन महत्वपुर्ण भुमिका खेलेका सचिन म्यान आफद म्याच चुनिए ।
यसैगरी आजै भएको अन्तिम खेलमा ग्वाल्लेक क्रिकेट क्लबले पिसिसि पल्टनलाई हराएको छ । टस हारेर ब्याटिङको निम्ता पाएका पिसिसि पल्टनले ९ विकेट गुमाएर ११२ रन बनायो । पल्टनका जनक बिष्टले २८ रन बनाए । राहुल भण्डारीले पनि २० रनको योगदान दिए । ११३ रनको लक्ष पछ्याएको पल्टनले ९.४ ओभरमा ३ विकेट गुमाएर लक्ष भेट्टायो । ग्वाल्लेकका लागि दिपक बोहरा र हिमान्सु मेहरले समान २६ रन बनाए । नविन चन्दले २३ रन बनाए ।
अब भोली अर्थात सुक्रबार हुने क्वाटर फाइनलको अन्तिम खेल खोडपे क्रिकेट क्लब र पिसिसि पल्टनबीच हुने खेलबाट पोल बीबाट सेमिफाइनलमा पुग्ने दुई टोलीको टुंगो लाग्ने छ ।
